Эргобаг цүнхийг хэрхэн цэвэрлэх вэ?

Бид хичээлдээ явж, найзуудтайгаа хөгжилдөх тоолондоо өөрөө ч мэдэлгүй цүнхээ их болон бага хэмжээгээр бохирдуулж байдаг.
Олон хэрэглэгчдээс бидэнд эргобаг цүнхийг хэрхэн цэвэрлэх вэ? Угаах боломжтой юу? гэсэн асуултууд ирсний дагуу бүтээгдэхүүн үйлдвэрлэгч Эммигийн зөвлөгөөг хүргэж байна.
Эргобагийн цүнхийг угаах боломжтой юу? Тийм. Эргобаг цүнх нь 1500мм хүртэл ус нэвтрэхгүй материалаар хийгддэг тул аль болох угаалгын машинд угаахаас зайлсхийх хэрэгтэй.
Ус нь цүнхний гадаргууг гүн нэвтэрч норгохгүй тул угаалгын машинд хийсэн ч зүгээр л эргэлдэнэ гэсэн үг юм. Харин ойролцоогоор 40 градусын халуун усанд зөөлөн угаалгын бодис болон сойз, зүлгүүр зэргийг ашиглан гараар угааж шив шинэ мэт цэвэрхэн болгох боломжтой.
Цүнхийг цэвэрлэхдээ юуг хэзээ ч хэрэглэж болохгүй вэ?
-Уусгагч бодис
-Толбо арилгагч
-Хлор агуулсан цэвэрлэх бодис
-Спирт агуулсан бодис
-Хумсны будаг арилгадаг азтон

Ямар бодисоор цэвэрлэх нь хамгийн тохиромжтой вэ? Аль болох байгалийн гаралтай аяга таваг угаагч гэх мэт зөөлөн угаагч бодис ашиглах нь илүү тохиромжтой ба шүдний сойз болон хумсны сойзоор зөөлөн үрж угаавал илүү үр дүнтэй байх болно. Хэрэв хэт гүн бохирдолтой бол бүлээн усанд хонуулж дэвтээгээд маргааш нь гараар зөөлөн угаагаарай. Харин хатаахдаа доор нь хуурай алчуур юм уу ус тосох хувин тавьж өөрөөр нь хатаагаарай.