
.jpg?h=4cd7b0e974def6f4a0a29e56a91706bd88b1d7d7)
Эвлүүлдэг тоглоомны бүх насныханд үзүүлэх давуу тал

Дэлгэц, төхөөрөмж, телевизээс холдох нь бараг боломжгүй болсон энэ үед тэднээс холдох нь бидний оюун санааны болон бие махбодын эрүүл мэндэд маш чухал юм. Тэгвэл эвлүүлдэг тоглоом нь таны бүх анхаарлыг шаарддагаараа ид шидтэй юм.
Таныг гайхшируулахуйц эвлүүлдэг тоглоомын давуу талуудыг хүргэе.

Эвлүүлдэг тоглоом тоглосноор та тархиныхаа зүүн ба баруун талыг нэг зэрэг ажилууллах боломжтой. Таны зүүн тархи логик байдлаар ажилладаг бол таны баруун тархи бүтээлч байдлаар ажилладаг. Нейротрансмиттерийн шинжилгээний салбарт тэргүүлэгч Sanesco Health-ийн хэлснээр эвлүүлдэг тоглоом тоглож байх үед энэхүү хоёр тал зэрэг ажилладаг байна. Асуудлыг шийдвэрлэх ур чадвар, анхаарал төвлөрүүлэх хугацааг сайжруулдаг оюун санааны дасгал гэж эвлүүлдэг тоглоомыг ойлгож болно. Түүгээр зогсохгүй алдарт Билл Гейтс хүртэл эвлүүлдэг тоглоомд дуртай байдаг.
Эвлүүлдэг тоглоомууд нь таны богино хугацааны ой санамжийг сайжруулдаг. Өчигдөр өдрийн хоолондоо юу идсэнээ санахгүй байна уу? Эвлүүлдэг тоглоомууд үүнд тусалж чадна. Эвлүүлдэг тоглоом тоглох нь тархины эсүүдийн хоорондын холбоог бэхжүүлж, оюун санааны хурдыг сайжруулж, богино хугацааны ой санамжийг сайжруулах онцгой үр дүнтэй.
Эвлүүлдэг тоглоомууд нь таны харааны орон зайн баримжааг сайжруулдаг. Та эвлүүлдэг тоглоом тоглож байх үедээ тодорхой жижиг хэсгүүдийг хайж, том зурган дээр хаана тохирохыг олж мэдэх хэрэгтэй байдаг. Хэрэв та үүнийг тогтмол хийвэл харааны орон зайн баримжааг сайжруулах бөгөөд энэ нь машин жолоодох, газрын зураг ашиглах, бүжгийн хөдөлгөөн сурах, болон бусад олон зүйлийг хийхэд тусалдаг.
Эвлүүлдэг тоглоом нь бясалгалын гайхалтай хэрэгсэл бөгөөд стресс тайлагч юм. Таны оюун ухаанд гадны бодол орохгүйгээр удаан хугацааны туршид нэг зураг дээр анхаарлаа төвлөрүүлэх нь өөрөө бясалгал юм.
Эвлүүлдэг тоглоом хийснээр та бясалгал хийсэнтэй адил ашиг тусыг авч байна. Өдөр тутмын амьдралын стресс, цусны даралт, зүрхний цохилтыг бууруулж амар амгалан олгодог ач тустай.
Эвлүүлдэг тоглоом нь гэр бүлтэйгээ харилцаа үүсгэх гайхалтай арга юм. Зочны өрөө эсвэл гал тогооны өрөөндөө эвлүүлдэг тоглоом задалж, ширээн дээрээ байлгах нь бүхэл бүтэн гэр бүлийг хэдэн минут суугаад анхаарлаа төвлөрүүлэхэд оролцох боломж юм. Энэ бол өсвөр насныхны эцэг эхчүүдтэйгээ яриа эхлүүлэхэд ашиглаж болох тактик ч байж болно.
Эвлүүлдэг тоглоом тоглох нь өнөөгийн дижитал амьдралын хэв маягийн үймээн самуунаас завсарлага авахыг хүсдэг хүмүүст тохиромжтой. Судалгаанаас харахад эвлүүлдэг тоглоом, үгийн сүлжээ тоглодог хүмүүс урт насалдаг бөгөөд Альцгеймерийн өвчин, ой санамж муудах, ухаан алдах магадлал бага байдаг байна.





















