Бүтээгдэхүүний дэлгэрэнгүй
Аягүй хурдан ! “Fairly Fast”
5-99 насны 2-4 тоглогч тоглох өнгөлөг галт тэрэгнүүдийг цуглуулах тоглоом.
Дүүд дүүд! Бүгдээрээ галт тэргэндээ сууцгаана уу ! Гэхдээ хөдлөхийн өмнө, та нар галт тэрэгний зүтгүүрт аль болох олон вагон холбох ёстой. Энэ нь тийм ч хялбар биш ээ, учир нь зарим төрлийн вагонууд хангалттай тоондоо хүрсэн цагтаа л чирэгддэг. Мөн зорчигчдоо мартах вий! Тоглоомын төгсгөлд, хамгийн урт вагонтой тоглогч тоглоомонд ялах болно !
Тоглоомын хэрэглэгдэхүүн
1ш тоглоомын тавцан
39 « вагон » хавтанцар
9ш « зорчигч » хавтанцар
6ш « бонус » хавтанцар (2х 3 өөр хэмжээтэй)
4ш « зүтгүүр » хавтанцар
4ш модон дүрс
1ш эхний тоглогчийг тэмдэглэгч « шүгэл »
1 төмөр зам хэмжигч
1ш тоглоомын заавар
Тоглоомын бэлтгэл ажил
Тоглоомын тавцанг ширээний голд тавина. Вагон болон зорчигч хавтанцаруудыг доош харуулан (ногоон талаар нь харуулан) сайтар холиорой. Тус бүр нь 6 карттай 8 ш давхарга үүсгээрэй. 8ш давхаргаа дээш харуулан тоглоомын тавцан дээрх төмөр замын 8 захад тавиарай. Тоглоомын тавцангийн гол хэсэг чөлөөтэй байх ёстой. Бонус хавтанцар болон төмөр зам хэмжигчийг бэлдээрэй. Эдгээр нь тоглоомын төгсгөлд хэрэг болно.
Тоглогч бүр нэг нэг зүтгүүр, мөн түүнтэйгээ ижил өнгийн модон дүрс аваарай.
Хамгийн сүүлд вагонд суусан тоглогч тоглоомыг эхлүүлж эхний тоглогчийг тэмдэглэгч (=шүгэл)-г авна. Тэмдэглэгч тоглоом дуустал түүний өмнө байна.
Эхний тоглогчоос эхлээд, тоглогч бүр модон дүрсээ тоглоомын тавцангийн аль нэг талд тавина. Тоглоомын эхэнд, тоглоомын тавцангийн тал бүрт нэг нэг модон дүрс байна.
Тоглоомын явц:
Цагийн зүүний эргэлтийн дагуу тоглоцгооно. Хамгийн эхний тоглогч тоглоомыг эхлүүлнэ.
Модон дүрсээрээ цагийн зүүний эргэлтийн дагуу тавцангийн дараагийн тал хүртэл урагшил. Хажууд нь байрлах 3 эгнээ хавтанцраас 1 хавтанцар сөх. Сөхсөн хавтанцраа өмнөө тавь.
« Вагон » хавтанцар
« Вагон » хавтанцар дээрх оноо нь нэг иж бүрэн багц үүсгэхийн тулд чамд шаардагдах ижил зурагтай хавтанцрын тоог илэрхийлнэ. Нэг иж бүрэн багцаа бүрдүүлж чадах юм бол чи тэр багц « вагон » хавтанцраа зүтгүүрийнхээ ард холбож чадна.
Нэг оноотой « Вагон » хавтанцрыг шуудхан зүтгүүрт холбоно.
« Зорчигч » хавтанцар
« Зорчигч » хавтанцрыг зүтгүүрт холбохгүй. Эдгээр
хавтанцруудаа өмнөө давхарлан тавина.
Үйлдлүүд
Тус тоглоомонд 3 төрлийн ялгаатай үйлдлийн хавтанцар бий. Тоглогч өөрөө тоглож байх явцдаа хэзээ нь ч өөрийн үйлдийн тэмдэг бүхий вагонон хавтанцар дээрх нэг юмуу хэд хэдэн үйлдлийг гүйцэтгэж болно. Үйлдлийг гүйцэтгэсэн бол, тухайн хавтанцар тоглоомоос хасагдана. Түүнийгээ хайрцагт нь хураагаарай.
Анхаар: Үйлдийн тэмдэг бүхий вагонон хавтанцар сөхсөн тохиолдолд, чи түүнийгээ тоглоомын дараагийн тойрогт ашиглах ёстой.
Тоглоомын туршид үйлдэл гүйцэтгэх хэрэгтэй болгох хавтарцрууд:
Тоглоомын тавцангийн өөрийн талын 3 хэсэг давхарлаатай хавтанцрын нэгнээс дахин нэг хавтанцар сөхнө.
Аль ч хамаагүй давхарлаатай хавтанцраас нэгийг сөхөөд, аль ч талд байсан хамаагүй, өөр нэгэн ямар ч хамаагүй давхарлаатай хавтанцар дээр тавь. Хоосон замын үзүүрт ч ганцааранг нь тавьж болно.
Модон дүрсээ тоглоомын тавцанг тойруулан нэг талаар урагшлуул.
Чиний тоглох ээлж дууссан бол, дараагийн тоглогчийн тоглох ээлж болно.
Тоглоомын төгсгөл
Хоёр хэсэг давхарлаатай хавтанцар дууссан бол тоглоом төгсөнө. Тоглоомын тухайн тойрог дуусталаа үргэлжилнэ (=эхлэсэн тоглогч дээр буцаж иртэл). Хамгийн олон « зорчигч » хавтанцартай тоглогч дөрвөн « вагон » хавтанцрыг нийлүүлсэн хэмжээний урттай тэнцүү бонус хавтанцар авна. « Зорчигч » хавтанцрын тоогоороо 2-т орсон тоглогч хоёр « вагон » хавтанцрыг нийлүүлсэн хэмжээний урттай тэнцүү бонус хавтанцар авна. « Зорчигч » хавтанцарын тоогоороо 3-т орсон тоглогч нэг « вагон » хавтанцрын хэмжээний урттай тэнцүү бонус хавтанцар авна. Тэнцсэн тоглогчид ижил хэмжээний бонус хавтанцар авна. Бонусын хавтанцрууд хүрэлцэхгүй бол, шаардагдах хэмжээнд хүргэхийн тулд ялгаатай бонус хавтанцруудыг нэгтгэж болно. Бонус хавтанцараа галт тэргэндээ мөн холбоорой.
Төмөр зам хэмжигчийн тусламжтайгаар хамгийн урт галт тэргийг шалгаарай. Хэмжигч шугаман дээр 2 тэмдэг бий. 2 тэмдгийн хоорондох зай нэг вагоны урттай тэнцэнэ. Хамгийн урт галт тэрэгтэй тоглогч ялна. Тэнцсэн бол, хэн хамгийн олон « зорчигч » хавтанцартай нь хожно.
