Karuba
8-с дээш насны 2-4 эрдэнэсийн ангуучдад зориулсан хавтанд суурилсан тоглоом
Хөлөг онгоцууд Каруба хүрэх аялалд гарснаас хойш өдөр шөнүүд солигдож, нар сар ээлжилсээр л. Арал дээрх тус бүр 4н өөр төрлийн адал явдалд хайгуулчдын багаа ахлан оролцоход бэлтгээрэй. Одоо харин зүгээр л өтгөн шигүү ойн жимээр явж ариун сүм рүү очих замыг ол. Зүгээр л гэдэг үг бага зэрэг сонин сонсогдож байгаа биз? Эртний энэ ой дунд буй олон сорилт саад бартааг хамгийн түрүүнд туулж дуусгаснаар ариун сүмд буй эрдэнэсийг олж авч чадна. Үхлийн зам руу орохгүйн тулд явах замаа маш болгоомжтой гэгч нь сонгоорой. Хөөх хардаа! Бөөн алт байна. Чи эдгээр алт болон гялалзсан болор эрдэнэсүүдийг замынхаа туршид цуглуулаад байгаарай.
Тоглоомын зорилго
Хамгийн үнэтэй эрдэнэсүүдийг цуглуулж чадсан хайгуулчдын баг ялагч болно.
Тоглоомын хэрэгсэл
Тоглоомын бэлтгэл
Тоглогч тус бүр нэг, нэг арлын хавтан мөн дараах зүйлсийг авна.
Сүм тус бүрийн урд тодорхой хэмжээний эрдэнэс байрлуулах ба хэдэн тоглогч байгаагаас хамааран дараах байдлаар тавина.
Сүмийн эрдэнэс тус бүрийг өнгөөр нь ангилан нэг багц болгоод ширээний гол дээш нь харуулан тавиарай. (Нийт 4 багц) Үлдсэнийг нь буцаагаад хайрцгандаа хийнэ.
Жишээ: 3 тоглогч тоглох үед бор, цэнхэр, шар, үзмэн ягаан өнгийн 5,3,2 оноо бүхий сүмийн эрдэнэсүүдийг авна. Хамгийн дээр нь 5 онооны эрдэнэс, хамгийн доор нь 2 онооны эрдэнэс байхаар нийт 4 багц үүсгэнэ.
Бусад болор эрдэнүүд болон алтыг хүрэхэд ойр байхаар ширээний гол хавьд тавина.
Хайгуулчид ба ариун сүм
Тоглоом эхлэхийн өмнө ямагт бүх тоглогчид нэгдэн хайгуулчид болон ариун сүмээ хаана байрлуулахаа шийдвэрлэнэ.
Бүх тоглогчид өөр өөрсдийн арал дээрээ сүм болон хайгуулчдыг яг ижил тоон дээр байрлуулна. Өөрөөр хэлбэл бүх хүний арал яг ижилхэн харагдах ёстой гэсэн үг. Хайгуулчдыг наран шарлагын хэсэгт, ариун сүмийг ширэнгэн ой дунд байрлуулна.
Тоглогчид хайгуулчдаа сонгон наран шарлагын хэсэгт хүссэн газраа тавих ба ижил өнгө бүхий ариун сүмийг ширэнгэн ой дундах тоонуудын нэг дээр байрлуулна (ижил өнгөөр сонгосон ариун сүм болон хайгуулчдын тооны хооронд хамгийн багадаа 3 тооны зөрүү байна). Үлдсэн тоглогчид бүгд эхний тоглогчийн адилаар хайгуулчид болон ариун сүмээ ижил тоон дээр байрлуулна. Дээрх байдлаар байрлуулснаар 3н тоглогч тоглож буй тохиолдолд 1 тоглогч үлдсэн 2 тоглогчийнхоо сүм болон хайгуулчдыг хаана байрлуулахыг шийдвэрлэх ба, хоёулаа тоглож буй тохиолдолд 2 тоглогч аль аль нь 2 удаа шийдвэрлэх эрхтэй болно гэсэн үг юм.
Жишээ:
Henriette цэнхэр хайгуулчныг сонгон далайн эргийн 20 градуст байрлуулсан ба мөн цэнхэр өнгийн ариун сүмийг ширэнгэн ойн 100 градуст байрлууллаа. Miriam, Christina, Luis нар мөн адил цэнхэр хайгуулчныг далайн эргийн 20 градуст, харин сүмийг ойн 100 градуст байрлуулав.
Miriam шар хайгуулчныг далайн эргийн 90 градуст, шар сүмийг ширэнгэн ойн 10 градуст байрлуулсан багийн гишүүд ч мөн ижил байрлууллаа.
Christina үзмэн ягаан хайгуулчныг далайн эргийн 110 градуст, үзмэн ягаан сүмийг ширэнгэн ойн 60 градуст байрлуулсан ба багийнхан ч мөн дуурайв.
Luis-т бор хайгуулчин үлдсэн ба тэр түүнийг далайн эргийн 60 градуст, бор сүмийг ширэнгэн ойн 70 градуст байрлуулснаар бусад тоглогчид ч мөн байрлуулж дууслаа.
Сүрлийг эргүүлэн аль тоглогч хайгуулын багийн удирдагч болохыг шийдээрэй. Удирдагч болсон тоглогч 36ш хавтангаа сайтар хольж, арлынхаа урд хэсэгт доош харуулан өрж тавина. Харин бусад тоглогчид 36ш хавтангаа арлаа тойруулан тоон дарааллын дагуу дээш харуулж байрлуулна.
Хэрхэн тоглох вэ?
Бусад тоглогчдоос түрүүлэн хамгийн үнэтэй эрдэнэсүүдийг олох аялалын турш тоглогч тус бүр өөрт оногдсон арал дээр тоглоно. Бүх тоглогчид өөрт өгөгдсөн хавтангуудыг ашиглан хайгуулчинг ижил өнгийн сүм рүү хүргэх замыг олох ба замын туршид тоглоомын төгсгөлд тоологдох алт болон эрдэнэсээ цуглаалах ёстойг бүү мартаарай.
Хайгуулын багийн ахлагч урдаа өрж тавьсан хавтангуудаас хамгийн дээр буйг сонгон бусад тоглогчдодоо тод дуугаар хавтан дээрх тоог хэлж өгөх ба өөрийн хавтан дундаас зөвийг олсон тоглогчид A,B(доор дэлгэрэнгүй тайлбарласан) гэсэн 2 сонголтын аль нэгийг сонгох ба бүх тоглогчид сонгож дууссаны дараа энэ мэтчилэн дараа дараагийн хавтангуудыг сөхнө.
Зөвлөмж: Хайгуулчин болон сүмийн замыг хаахгүй мөн үхлийн замаар төгсгөх замыг аль болох сонгохгүй байх
Энэ нь хайгуулчныг ижил өнгийн ариун сүмд хүргэх мөн замд буй эрдэнэсүүдээ цуглуулах гол арга юм.
Жишээ нь: Энэ хавтан нь нийт салсан 3-н замтай байгаа тул энэ хавтанг орхисон хайгуулчин өөрийн сонголтоор дээд тал нь 3 хөдлөх боломжтой гэсэн үг.
Алт болон эрдэнэсийг цуглуул
Алт болон эрдэнэсүүдийг цуглуулахын тулд хайгуулчин тухайн үед гарч ирсэн хавтанг мэдэлгүй үлдээх ёстой бөгөөд байрнаасаа хөдөлсний нэмэлт оноо цуглуулах боломжгүй. Эрдэнэсийг хавтан дээрээс салгаж аваад арлын зүүн талд байрлах хайгуулчны зурган дээр тоглоом дуусах хүртэл үлдээх ба тоглоомын төгсгөлд нийт оноог тооцон ялагчийг тодруулна. Гэхдээ алт болон эрдэнэсүүдийг заавал цуглуулахгүйгээр алгасан явсан ч болно.
Ариун сүмд хүрэх
Хайгуулчин ариун сүмд хүрснээр ширээний голд буй сүмийн эрдэнэсээс өнгөөр нь ялган хамгийн өндөр оноотойг нь сонгож аваад өөрийнхөө урд тавих ба хайгуулчинг тоглоомын төгсгөл хүртэл сүмд байлгана. Хэрэв олон хайгуулчин сүмд зэрэг хүрвэл нэг нь хамгийн өндөр оноотой сүмийн эрдэнэсээс авч бусад нь арай бага оноотойг аван болор эрдэнийн овоолгон дундах эрдэнэсээр оноогоо нөхөж тэнцүүлнэ.
Жишээ: Luis хамгийн түрүүнд бор хайгуулчинг сүмд аваачсанаар 5 оноо бүхий сүмийн эрдэнэсээс авч чадлаа. Түүний дараагаар Miriam, Christina нэгэн зэрэг бор хайгуулчинг сүмд хүргэж чадсан бөгөөд ингэснээр Miriam 4 онооны сүмийн эрдэнэсийг авсан бол, Christina 3 онооны эрдэнэсийг авч дээр нь болор эрдэнийн овоолгоноос эрдэнэс аван мөн ижил 4-н оноотой боллоо.
Тоглоомын төгсгөл:
Дараах тохиолдолд тоглоом дуусна
Сүмийн эрдэнэсүүд(тус бүр өөр өөр оноотой)+2 оноо бүхий алт+1 оноо бүхий болор эрдэнэ
Дээрх байдлаар оноог тооцон хамгийн өндөр оноотой тоглогч ялагч болно. Хавтан дээр үлдсэн алт болон болор эрдэнэсийн тоо оноонд тооцогдохгүй. Хэрэв тоглогчдын оноо тэнцвэл арал дээр хэн хамгийн олон зам буюу хавтан байрлуулсан нь ялагч болно
