Шишүүхэйн овог ‘’Hamster Clan’’
4-с дээш насны 1-4 дуулгаваргүй шишүүхэй нарт зориулсан хамтран тоглох, цуглуулгын тоглоом.
Шишүүхэйн оронд намар болж байв. Ой шугуй болон тал нутгийг нарны туяа төөнөсөн хэвээр байлаа. Тэд газар доорх үүрэндээ галзуу юм шиг л гүйлдэцгээж байна: цахилгаан шатыг дээш доош нь болгож, дугуй дотроо гүйж, нэг өрөөнөөс нөгөөрүү шилжиж, дүүжин кабин болон вагончикны ирмэгээр гүйлдэнэ. Гадаа саржигнасан лууван, шаргал буудай, шүүслэг хошоонгор ургаж байна, Шишүүхэйн овгийнхон одоохондоо зугаацаж л байг ! Анхны навчнууд удахгүй унаж эхлэх нь, учир нь өвөл наашилж байна шүү дээ. Тэгэхээр, бяцхан шишүүхэйнүүд минь, яаравчлаарай, өвлийн нөөцөө бэлдээрэй ! Хэрвээ, та нар, модны навчис унаж зарааг бүтээхээс өмнө, бүх лууван, хошоонгор болон бүх улаан буудайн толгойнуудыг зөөвөрлөн авчирч зөв хүнсний агуулахад хурааж чадвал, Шишүүхэйн овог та нарын цуглуулсан нөөцийн ачаар өвлийг өнөтэй давж чадна !
Тоглоомын хэрэглэгдэхүүн
4 шишүүхэй, 1 зараа, 1 шоо, 12 хүнсний хавтанцар (4 лууван, 4 хошоонгор, 4 буудайн толгой), 1 цахилгаан шат, 1 дугуй, 1 вагончик, 1 кабин, модны 14 навчтай 1 тоглоомын тавцан, 1 тоглоомын заавар
Тоглоомын бэлтгэл ажил
Нөөцөө хурдан бэлтгэхийн тулд та бүхэн тоглоомын тавцангийн бүх хэсгүүдийг угсрах ёстой. Цахилгаан шат, дугуй, вагончик, кабин –г тоглоомын тавцангийн харгалзах байрлалд байрлуулахдаа, тухайн зүйлс хялбархан хөдөлж байхаар тааруулаарай. Навчнуудыг модны орой дээгүүр тараан тавиарай. Тоглоомын тавцангийн дээд талын харгалзах нүдэн дээр, тоглогч бүрт 3 хүнсний хавтанцар (1 лууван, 1 буудайн толгой, 1 хошоонгор) тавиарай. Хүн бүр нэг нэг шишүүхэй сонгож том өрөөнд тавина. Шоог бэлдээрэй.
Хацраа яг шишүүхэй шиг хамгийн томоор пөмбийлгэж чадсан тоглогч тоглоомыг эхлүүлж зарааг өмнөө тавина. Тоглоом эхлүүлсэн тоглогч, тоглоомын тухайн үеийн турш зарааг эзэмшинэ. Та бүхэн энэний учрыг тоглоомын явц хэсгээс илүү сайн ойлгох болно. Ашиглагдахгүй хэрэглэгдэхүүнийг хайрцагт буцааж хийгээрэй.
