Бүтээгдэхүүний дэлгэрэнгүй
Баатар Рино ‘’Rhino hero’’ Active kids
5- 99 хүртэлх насны 2-4 тоглогч тоглох баатарлаг хөдөлгөөний тоглоом.
Рино баатар болон тэдний найзууд дахин гадагшаа гарч байгаа учир, үйл явдалд бэлэн байгаарай! Агуу баатар анааш, Ахмад заан, Нүүрэндээ масктай оцон шувуу болон Рино баатар нар хотыг хорон санаат Сармагчин аалзнуудаас хамгаалахаар ирж явна. Тиймээ, тэдгээр сармагчингууд хотын хүмүүс дээр сэжгийн муухай нялцгай бөмбөлөгнүүдийг шидэх гэж байна. Хэн нь хамгийн олон бөмбөлөгийг таслан зогсоох вэ? гэдэг сорилт бидний агуу баатруудад тулгараад байна. гэхдээ, сармагчин аалзнуудаар нислэгээ саатуулахгүй байхыг анхаараарай !
Тоглоомын хэрэглэгдэхүүн
Анх удаа тоглохын өмнө
4 баатрууд болон тэдний нөмрөг, төв байр, суурийг нямбайгаар салгаж ав. Жижигхэн дугуй дүрснүүд болон ирмэгүүд ашиглагдахгүй тул хаяж болно.
Бэлтгэл ажил
Нялцгай бөмбөлөгнүүд бүхий хайрцагны доод ширээн дээр голлуулж тавиад өөрсдөө түүнийг тойроод зогсох юмуу сууцгаана. Тоглогч бүр нэг нэг агуу баатар сонгоно. Өөрийнхөө баатрыг нөмрөгийг нөмрүүлж, суурийн дээр нь байрлуулцгаагаарай. Нөмрөг аль болох хөндлөн байвал сайн.
Зөвлөгөө: Тойрон алхахад амар байх үүднээс ширээн дээр тоглосон нь дээр. Эсвэл түшлэггүй сандал дээр юмуу шалан дээр тоглож болно.
Өөрийнхөө баатар болон харгалзах төв байрыг өөрийнхөө өмнө байрлууж, шоогоо бэлдээрэй. Хайрцагны таг болон тоглоомын бусад хэрэглэгдэхгүй хэсгийг хойш нь тавь.
Яаж тоглох вэ?
Цагийн зүүний эргэлтийн дагуу ээлж ээлжээр дахин дахин тоглоно. Тоглоомын үе бүрд, агуу баатар хотыг тойрон нисэх ба бусад тоглогчид түүнийг бүтэн тойрог хийхэд саад болох ёстой.
Хэрхэн баатарлаг тойрог өрнөх вэ !
-
Агуу баатар: нэг гартаа агуу баатраа бариад, нөгөө гарынхаа нэг хуруугаар баатрынхаа төв байрыг дараад, хөдлөхөд бэлдээрэй. <<Нялцгай бөмбөлөгнөөс болгоомжил!>> гэх эхлэх дохиогоор баатраа дээр бариад хүүхдүүдийг тойрч, өөрийнхөө баатрын төв байран дээр хуруугаараа дахин дараарай.
-
Бусад тоглогчид: шоогоо авцгаа. Хэрэв гурван тоглогч байгаа тохиолдолд, тоглогч бүр нэг нэг шоо авна. Хэрвээ цөөхүүлээ тоглож байгаа бол нэг тоглогч хэд хэдэн шоо авч болно. <<Нялцгай бөмбөлөгнөөс болгоомжил!>> гэж эхлэх дохио өгөөд шоогоо зэрэг орхиорой. Хэрвээ нэг тоглогчийн шоо <<boum>> талаараа буувал, тухайн тоглогч <<Boum>> гэж чангаар хэлээд шооны <<boum>> талыг дээш хэвээр нь тавина.
Хэн хамгийн хурдан нь байх вэ: агуу баатар уу эсвэл бусад тоглогчид уу?
-
Агуу баатрууд: бусад тоглогчид 3 шоогоо <<boum>> буулгаж <<Зогсоод !>> гэж хашгирахаас өмнө чи баатарлаг тойргоо гүйцээж чадсан (өөрийнхөө баатрын төв байран дээр хуруугаараа дахин дарсан) бол Чи энэ үеийн ялагч болно. Шагналд нь нэг нялцгай бөмбөлөг аваад баатрынхаа нөмрөгний нүхэнд хийгээрэй.
-
Бусад тоглогчид: Хэрвээ та нар, агуу баатрыг баатарлаг тойргоо гүйцээхээс өмнө, 3 шоогоо <<boum>> буулгаж <<boum>> гэж зарлаж амжсан бол та нар энэ үеийн ялагч болно. Агуу баатар ялагдаж, байсан байрандаа буцаж очно. Тэр шагнал болгож нялцгай бөмбөлөг авахгүй. Ингээд дараагийн тоглогчийн тоглох ээлж ирлээ.
Агуу баатруудын нислэг
Чи нялцгай бөмбөлөг аваад баатрынхаа нөмрөгний нүхэнд хийсэн бол, дараагийн тойргоо нөмрөгөн дээрх нялцгар бөмбөлөгтэй нь гүйцэтгэнэ. Гэхдээ чй, тойрч байхдаа тэр бөмбөлөгнөөс барьж болохгүй. Чамд маш чухал нялцгай бөмбөлөгнүүдийн тоо нэмэгдсээр байх болно. Хэрвээ бөмбөлөгөө унагаачихвал маш хурдан шүүрч аваад буцаагаад нөмрөгөн дээр тавиад тойргоо үргэлжлүүлээрэй.
Тоглоомын төгсгөл
Хэн нэгэн агуу баатар нөмрөг дээрээ 6 нялцгай бөмбөлөг тавьсан бол тэмцээн дуусаж тэр тоглогч тоглоомын ялагч болно ! Тэр бол Агуугийн Агуу баатар бөгөөд, баяр хүргэж буй бусад тоглогчийг тойрон дахин нэг удаа нисэж болно.
