Нохойн ралли ‘’Dog Rally’’
Хүндэт эцэг эхчүүдээ,
Таны хүүхэд маш спортлог уу, эсвэл тэр биеийн хүчний ямар ч ажлаас халшрамтгай юу? Хүүхэд бүр өөр өөр, энэ ч сайн хэрэг. Гэсэн хэдий ч, хүүхдүүд өдөр тутамдаа идэвхтэй биеийн хөдөлгөөн хийж байх нь тун чухал. Спорт хийхгүй байх бүх л шалтаг шалтгаан (цаг агаар муу байна, цаг зав байхгүй, спортын хэрэгсэл угаах юманд байгаа гэх мэт) олоход бэлэн байдаг залхуурлаа ялан дийлэх хэрэгтэй. Хүүхэд хэдий чинээ эрт идэвхтэй биеийн хөдөлгөөн хийж эхэлнэ, хожим түүнийгээ үргэлжлүүлэх нь төдий чинээ хялбар байх болно.
Active Kid’s –н тоглоомууд чухал үүрэг гүйцэтгэх үү: тийм ээ, тус тоглоомууд хүүхдийн биеийн хөдөлгөөний байгалийн хэрэгцээг ухаалаг аргаар сэрээж өгнө. Тоглоомуудын дүрэм хялбархан, мөн үргэлжлэх хугацаа богино байдаг нь тоглоомоос сурсан зүйлсээ хүүхэд тань өдөр тутмын амьдралдаа шингээхэд хялбархан байх болно.
Бүгдэд хөгжилтэй тоглохыг, хөдлөхийг, зугаацан инээлдэхийг хүсье.
Active Kid’s тоглоом бүтээгчид,
Нохойн ралли ‘’Dog Rally’’
4- 99 хүртэлх насны 2-4 тоглогч тоглох маш цоглог хөдөлгөөний тоглоом.
Мила, Флик, Жона болон Пэпэ нохойнууд бол энэ дэлхий дээрх хамгийн сайн найзууд.
Тэд өдөржин хамтдаа байж, гудамжаар хэсэж, бие биенээ шоглож хамтдаа тоглодог. Тэд өнхөрдөг тоглоомуудаар тоглох үнэхээр дуртай: учир нь тэр тоглоом шалан дээгүүр өнхрөхдөө янз бүрийн амттан унагадаг ! Хэн нохойны зөв амттан цуглуулж, Нохойн ралли-н ялагч болох вэ? Бэлэн үү? Хав, хав, хав !
Тоглоомын хэрэглэгдэхүүн
Анх удаа тоглохын өмнө
Хоосон хайрцагийн дотор талыг бэлд. 4 ш тусгаарлагч картонуудыг аваад, хоёр хоёроор нь хооронд нь паралель байхаар угсар. Тэгээд хайрцган дотор хий.
Тоглоомоо буцааж хураахдаа, тусгаарлагчуудыг хайрцаг дотор нь тэр хэвээр нь үлдээж болно. Голын хэсэгт нь өнхрүүлээ байрлуулаад 2 талд нь амттангуудыг хий. Хүрээ болон тоглоомын зааврыг дээр нь тавина.
2 хавтангийн 1 нийх нь дугуй хэсгүүдийг эвтэйхэн салгаж аваад хаяж болно. Хавтангаа хаяхгүй ! Энэ бол нохойны сургуулилтын талбай юм.
Тоглоомын бэлтгэл ажил
2-4м хүртэлх зай шаардагдах хөгжөөнт тоглоом. Газар тоглосон нь дээр. Шалан дээр өнхрүүлээ амархан өнхрүүлж, араас нь хөгжилтэйгээр дагана.
Хайрцагнаас эхлээд өнхрүүл болон амттангуудыг гарга. Тэгээд 2 хавтанг хайрцагны дотор тал дахь хашлага дээр дараах байдлаар тавина: өнгөт хавтанг эхлэж тавиад, дээрээс нь нүхтэй хавтангаа тавина. Нохдын сургуулилтын талбай бэлэн боллоо!
Тоглогч бүр хавтан дээрээс нэг нэг идүүр сонгоно. Тоглоомын туршид түүсэн амттангуудаа, өөрийнхөө газарт байрлах нүхнүүдэд тохирох өнгийн дагуу тавина. Та нарыг гүйхэд саад болохооргүй газар сургуулилтын талбайг байрлуулаарай. Хайрцагны таган дотор амттангуудын нөөцийг хийж бэлтгээрэй.
Яаж тоглох вэ?
Тоглоом хэд хэдэн үетэй. Үе болгонд, өнгө бүрээс 2 амттан нөөцөөсөө авч өнхрүүлийн голд байрлах нүхээр шургуулан хийгээрэй. Тэгээд бүгдээрээ нэг эгнээ болон өвдөг дээрээ сууцгаана. Өнхрүүлийг өмнөө тавьцгаана. За эхлэлээ! Бүх тоглогчид нэгэн зэрэг « Xав, хав, хав » гэж хуцна. 3 дахиа хуцаад хамгийн ахмад настай тоглогч өнхрүүлийг урагш нь хүчтэй өнхрүүлнэ. Тоглоомын дараагийн үед удаах настай тоглогч өнхрүүлнэ гэх мэтээр үргэлжилнэ. Хэрэв, тоглоомонд том хүн оролцож байгаа бол, тоглоомын бүх л үеийн туршид энэ үүргийг түүнд даатгаж болно.
Өнрхүүлийг өнхрүүлэх зөвлөгөө: баруун зүүн хоёр гараа өнхрүүлийн нүхний хоёр талд байрлүүлж байгаад эрчтэйхэн өнхрүүлээрэй. Бүгд дөрвөн хөллөөд өнхрүүлийг дагаж, баруун зүүн талаар нь асгарах амттанг түүцгээгээрэй. Өнхрүүл зогсож, түүнээс гарч ирсэн бүх амттанг түүж дууссан бол тоглоомын энэ үе дуусна. Бүгд түүсэн амттангуудаа авч, сургуулилтын талбай дахь өөр өөрсдийнхөө газарт байрлах нүхнүүдэд тохирох өнгийн дагуу тавина. Хэрвээ, нэг өнгийн амттангаас олонг түүгээд, өөрийнх нь нүхэнд тавих зайгүй болсон бол, өнхрүүлд буцаан хийж дараагийн үед ашиглана.
Анхаар: өнхрүүлээс нэг ч амттан гарч ирэхгүй байх тохиолдол байж болно. Тэгвэл, амттанг хэвээр нь орхиод шууд дараагийн үеийг эхлүүлнэ.
Хамгийн ахмад настай тоглогч өнхрүүлийг гарааны байрлалд буцаан тавина. Хэрэв амттан унавал, өнхрүүлд буцааж хийнэ.
Дараагийн үеийн эхэнд, нөөцөөс дахин өнгө бүрээс 2, 2 амттан авч өнхрүүлд хийгээрэй. Бүгдээрээ нэг эгнээ болон газар өвдөглөн сууна. Нөөцөд амттан үлдээгүй бол өнхрүүлийг байгаа амттантай нь өнхрүүлээрэй.
Тоглоомын төгсгөл
Аль нэг тоглогч өөрийн газрын бүх нүхийг тохирох өнгийн амттангаар дүүргэсэн бол тоглоом дуусаж, тэр тоглогч ялагч болно.
Хэрэв хэд хэдэн тоглогч зэрэг дууссан бол хэд хэдэн ялагч байна.
