Бүтээгдэхүүний дэлгэрэнгүй
Дун хорхойнуудаа... Бэлэн үү? Гараандаа! ‘’Snail Sprint
5- 99 хүртэлх насны 2-4 тоглогчдод зориулсан соронзот дун хорхойнуудын инээдэмтэй уралдаан.
Тоглоомын санаа
Вилфрэйд болон Марие нарын тоглоомын талбайд, өнгө өнгийн 6 дун хорхой гарааны хэсэгт байрласан байна. Уралдаан тун удахгүй эхлэх гэж байгаа ба бүгд ялалтын тавцанд гарахыг хүсэж байна. Эстэбан нэрт дун хорхой өрсөлдөгчдөө ардаа орхин хамаг хурдаараа урагшилж байтал Глориад гүйцэгдэж, тэр шагналын тавцанд хүрлээ ! Ялалтын тавцанд хүрсэн дун хорхойтой тоглогчид илүү оноо авч тоглоомонд ялах болно.
Тоглоомын бэлтгэл ажил
Тоглоомын хавтангийн хоёр талын аль нэгийг сонгоод (А= эхлэн тоглогчдод, В=туршлагатай тоглогчдод), тоглоомын хавтанг ширээний голд тавиарай. Хайрцгийг босоогоор нь ширээн дээр зурагт үзүүлсний дагуу байрлуулаарай. Хайрцаг дээрх нүднүүд яаж ч байрласан байж болно. Ялалтын тавцанг хайрцаг дотор байрлуулна. Бүх дун хорхойнуудыг гарааны нүдэнд байрлуулж шоог мөн бэлдээрэй.
Бооцооны картуудыг сайтар холиод, доош харуулан тоглогч бүрт нэг нэгийг тараагаарай. Бусад тоглогч нарт харуулалгүйгээр өөрийнхөө бооцооны картыг хар. Бооцооны карт нь та нарын бариа хүртэл урагшлуулах ёстой дун хорхойг заана. Та нар дун хорхойнуудаа аль болох хурдан урагшлуулахыг хичээ, учир нь тэднийг ялалтын тавцанд авч ирж байж л та нар оноо авах болно.
Яаж тоглох вэ?
Дун хорхойнуудаа сайн хар. Дун хорхой бүрийн хуяган дээр нэг тэмдэг бий. Та нар 6 дун хорхойн тэмдгийг 2 шоон дээрээс мөн харж болно. Мөн тоглоомын хавтан болон хайрцагны ирмэгийг ажиглаарай. Дун хорхойнуудын уралдааны зам тэнд бий. Нүд бүрт дун хорхойн нэг юмуу хэд хэдэн тэмдэг бий. Цагийн зүүний эргэлтийн дагуу тоглоцгооно. Хамгийн сүүлд гартаа дун хорхой барьсан тоглогч тоглоомыг эхлүүлж 2 шоог орхино. Нэг шоо нь урагшлах дун хорхойг, нөгөө шоо нь хаана очихыг заана.
Чи шоон дээрээс ямар ямар тэмдэг харж болох вэ?
-
Хоёр ижил тэмдэг: тухайн тэмдэг бүхий дун хорхойг замын дараагийн тийм тэмдэгтэй нүдэнд аваачаарай. Тухайн нүдэн дээр өөр тэмдэг байх нь тийм ч чухал биш.
Жишээ нь
Аннагийн орхисон шоо хоёулаа од буужээ. Тэр шар өнгийн одтой дун хорхойг урагшлуулж дараагийн одтой нүдэнд аваачна.
-
Хоёр өөр тэмдэг: Чи шооны хоёр тэмдгийн аль нэгтэй дун хорхойг сонго. Тэгээд тэр дун хорхойгоо нөгөө шооны тэмдэгтэй тохирох дараагийн нүдэнд аваачаарай.
Жишээ нь
Томын орхисон шоо нэг гурвалжин, нэг цэцэг буужээ. Тэр үзмэн ягаан өнгийн дун хорхойг урагшлуулахаар шийдэж дараагийн гурвалжин дүрстэй нүдэнд аваачна.
Анхаар, дун хорхойн давхралдаан !
-
Хэрэв замын нэг нүдэн дээр нэг дун хорхой байрласан байвал тухайн нүдэн дээрх тэмдэг блоклогдоно. Тэгэнгүүт, дун хорхой дээрх тэмдгийг тооцож тоглоно. Аль нэг тоглогчийн орхисон шоо тухайн тэмдгээр буувал, тоглогч дун хорхойгоо тийм тэмдэгтэй дун хорхой дээр давхарлаж тавина. Та нар 2-с дээш дун хорхой давхралдуулан тавьж болно.
Жишээ нь
Лаурагийн орхисон шоо нэг дугуй, нэг ногоон цэцэг буужээ. Тэр ягаан өнгийн дугуй дүрстэй дун хорхойг ногоон өнгийн цэцэгтэй дун хорхой дээр тавив. Учир нь энэ 2 дун хорхойн хооронд ямар ч ногоон цэцэгтэй нүд байхгүй байв.
-
Нэг дун хорхойг өөр нэг дун хорхой дээр тавьсан тохиолдолд, доод талын дун хорхой блоклогдож, урагшлах боломжгүй болно. Хэрэв нэг шоо тухайн дун хорхойны тэмдэгээр буусан ч гэлээ тоглогч нөгөө шоонд буусан тэмдэгтэй дун хорхойг дараагийн тохирох нүд хүртэл урагшлуулахаас өөр аргагүй болно. Хэрэв ямар ч дун хорхой, орхисон шооны дагуу урагшлах боломжгүй байвал хамгийн сүүлд яваа дун хорхойг (урагшлах боломжтой бол) нэг нүд урагшлуулна.
-
Хайрцагны босоо ханан дээр яваа дун хорхойн хуяган дээр өөр нэг дун хорхой тавих боломжгүй, учир нь түүний хүндийн жин их учир. Тийм учир, дун хорхой өрсөлдөгч дээгүүрээ харайн шоонд буусан дараачийн нүд хүртэл урагшилна.
Жишээ нь
Каигийн орхисон шоо нэг од, нэг цэцэг буужээ. Тэр шар одтой дун хорхойгоо үзмэн ягаан өнгийн цэцэгтэй дун хорхой дээгүүр давуулаад дараагийн үзмэн ягаан өнгөтэй нүдэн дээр тавив.
Ялалтын тавцан
Уралдааны төгсгөлд, бариа болон дун хорхой хоёрын хооронд тохирох тэмдэг байхгүй байвал дун хорхой ялалтын тавцанд гарна.
Хамгийн эхэлж ирсэн дун хорхой тавцангийн 1-рт гарна, 2-т ирсэн нь 2 т, 3т ирсэн нь 3 дахь гишгүүрт зогсоно.
Хэрэв шоонд буусан тэмдэгтэй хоёр дун хорхой бариандаа орсон байвал хамгийн сүүлд яваа дун хорхой нэг нүд (урагшлах боломжтой бол) урагшилна.
Тоглоомын төгсгөл
Ялалтын тавцангийн 3 гишгүүрт дун хорхойнууд байраа эзэлсэн бол тоглоом дуусна
