Бүтээгдэхүүний дэлгэрэнгүй
Бирдийн төөрдөг агуй ‘’Logic Labyrinth’’
4-99 насны 2-4 тоглогч тоглох маш олон эргэлт буцалт бүхий, хурдны болон эвлүүлэх тоглоом.
Тоглоомын хэрэглэгдэхүүн
30ш замын карт, 12ш төлөвлөгөөний карт, 12ш эрдэнэсийн карт, 1ш шоо, 1ш тоглоомын заавар
Тоглоомын санаа
Аварга том, хүчирхэг бирд олон мянган үнэт эдлэл бүхий агуйгаа харж манана. Түүний эрдэнэсээс авахын тулд дээрэмчид, нууцлаг агуйн зөв замыг олох ёстой. Энэ нь тийм ч амархан биш ээ, учир нь эрдэнэсийн газрын зураг нь маш олон хэсэг болон тасарсан бөгөөд түүнээс тодорхой замыг олоход туйлын бэрх ! Газрын зургийг эвлүүлж, дээрэмчдэд туслаарай ! Хамгийн хурдан эвлүүлж чадсан нь, замаа олж илүү их эрдэнэс цуглуулж чадах болно.
Тоглоомын бэлтгэл ажил
Замын картуудыг холиод, доош нь харуулан давхарлаад ширээний голд тавиарай. Мөн төлөвлөгөөний картуудыг холиод доош нь харуулан тоглож байгаа газрынхаа ойролцоо тавиарай.
Эрдэнэсийн картуудаас тоглогчийн тооноос нэгээр дутууг аваад ширээний голд нэг нэгийх нь хажууд нь тавиарай. Дээр нь дүрслэгдсэн эрдэнэсийн тоог сайн анхаараарай: 4 тоглогчид= 1, 2, 3ш эрдэнэс дүрсэлсэн 3 эрдэнэсийн карт.
3 тоглогчид= 1, 2ш эрдэнэс дүрсэлсэн 2 эрдэнэсийн карт.
2 тоглогчид= 1ш эрдэнэс дүрсэлсэн 1 эрдэнэсийн карт. Илүү гарсан эрдэнэсийн картуудыг давхарлаад хойш нь тавиарай.
Яаж тоглох вэ?
Цагийн зүүний эргэлтийн дагуу ээлж ээлжээр , хэд хэдэн үе тоглоно. Хамгийн балчир тоглогч тоглоомыг эхлүүлж шоог орхино.
Шоо юу дүрсэлсэн байна вэ?
Давхарласан замын картаас хүүхэд бүр, шоонд буусан тоотой ижил тооны карт аваад доош нь харуулан өмнөө тавина.
Төлөвлөгөөний картнаас эхнийхийг нь сөхөөд тоглогч бүрт харагдахуйцаар байрлуул. Тоглогч бүр төлөвлөгөөний картан дээр дүрсэлсэн тоотой ижил тооны замын карт авна.
Чиний эхлэх дохиогоор, тоглогч нар бүгд зэрэг замын картуудаа эргүүлээд, аль болох хурднаар картнаас картанд зам үргэлжилж байхаар картуудыг эвлүүлнэ.
