Бүтээгдэхүүний дэлгэрэнгүй
Оймс, моймс ‘’Lucky Sock Dip’’ Active kids
5- 99 хүртэлх насны 2-4 тоглогч тоглох, аймшигтай хурдан хөдөлгөөний тоглоом.
Оймсны мангасууд дахиад л хамаг юмыг замбараагүйтүүлээд хаячихлаа ! Энэ удаа, тэд угаалгын сагсан дахь оймснуудруу дайрлаа. Тэд бүгдийг бусниулахыг хүснэ: улаан оймсыг цэнхэртэй, шар оймсыг ногоонтой эсвэл эсрэгээр нь... Бохир оймснууд байдлыг улам хүндрүүлнэ! Аль мангас хамгийн хурдан, алаглуулсан оймсыг угаалгын сагсанд шидэх вэ? Гэхдээ анхаар, оймсны мангаснуудын хувьд ч гэсэн мөрдөх дүрэм бий !
Тоглоомын агуулга
Тоглоомын бэлтгэл ажил
Цоорхойнх нь дагуу оймснуудыг ялгах ажлаас эхлээрэй. Тэгээд хүн бүр нэг нэг багц оймс (ижил цоорхойтой 5ш оймс) авна. Үлдсэн, хэрэглэгдэхгүй оймснуудыг хайрцагт буцааж хийгээрэй. Үндсэн тоглоомонд угаалгын хавчаар мөн хэрэг болохгүй. 4 сагсыг хооронд нь аль болох зайтай тарааж тавина. Хүн бүрт хялбархан хүрэх газар сонгоорой: шалан дээр, тавиур дээр, цонхны тавцан дээр гэх мэт. Тоглогч бүр хаана хаана угаалгын сагс байрлаж байгааг мэдэж байх нь маш чухал !
Тэгээд, тоглоомын хайрцагыг таглаад, оймсны мангаснуудын зургийг харагдахуйцаар өрөөний голд тавиарай.
Зөвлөгөө: Тоглоомыг илүү өрнөлтэй болгохыг хүсвэл угаалгын сагснуудыг нэг өрөөнд тавилгүйгээр, байшингийн өөр өөр өрөөнд, бүр гадаа цэцэрлэгт ч байрлуулсан болно.
Яаж тоглох вэ?
Багц оймсоо гартаа бариад, хайрцагийг хөлийнхөө өлмийгөөр шүргэн, хажууд нь зогсоно. Тэгээд хамтдаа « Оймснуудыг бусниулцгаая! » гэж эхлэх дохио өгнө. Эхлэх дохио өгмөгц, оймсоо бариад, өөрсдийн сонгосон угаалгын сагсруу хамаг хурдаараа гүйцгээнэ.
Тоглогч угаалгын сагсанд хүрмэгцээ, доторхыг нь харна. Сагсан дотор ямар өнгийн оймс байна вэ? Тэр оймсны өнгө, та нарын очих ёстой дараагийн сагсны өнгийг заана. Цааш гүйхийн өмнө тоглогч, сагсанд нэг оймс хийх ёстой. Сагсанд оймс нэмж хийсэн бол оймснуудын хамгийн дээр байгаа оймсны өнгө дараагийн очих ёстой сагсны өнгийг тодорхойлно гэдгийг анхаараарай !
Жишээ нь:
Эхлэх дохионы дараа, Элиза улаан өнгийн угаалгын сагсруу хамаг хурдаараа гүйнэ. Сагсны дотор талд шар өнгийн оймс байв. Тэр гартаа байсан оймсноос цэнхэр өнгийн оймсыг аваад угаалгын сагсанд хийв. Тэгээд тэр шар сагсруу хурдлав. Дараа нь Пол улаан сагсруу ирэв. Сагсан дахь оймсны цэнхэр өнгө түүнийг цэнхэр сагсруу гүйх ёстой болохыг заана.
Оймсны чухал дүрэм:
-
Оймсны аз: хэрэв сагсан дахь оймсны өнгө угаалгын сагсны өнгөтэй ижил бол, чи азтай байна ! Чи одоо аль сагсруу гүйхээ өөрөө сонгоно.
Зөвлөгөө: хэрвээ чи өөрөө сагсны өнгөтэй ижил өнгийн оймсыг тухайн сагсанд хийвэл, дараагийн тоглогчийн даалгаврыг хялбарчилж байна. Дараагийн тоглогчид оймсны аз таарна!
Бохир оймсны сэрэмжлүүлэг : хэрвээ чи угаалгын сагснаас, саарал өнгийн оймс (бохир оймс) олсон бол, чи саяны ирсэн сагсруугаа буцах ёстой.
Оймснуудын түгжрэл: хэд хэдэн тоглогч нэг ижил угаалгын сагсруу гүйх тохиолдолд, тоглогчид ээлж ээлжээр оймснуудаа дотор нь хийнэ. Сагсанд хэн түрүүлж хүрсэн нь эхэлж оймсоо хийнэ, гэх мэт.
Анхаар: чи цааш гүйхээсээ өмнө, заавал эхлээд угаалгын сагсанд оймсоо хийх ёстой.
Тоглоомын төгсгөл
Хэн нэг тоглогч өөрийнхөө хамгийн сүүлчийн оймсыг угаалгын сагсанд хийгээд, хайрцаг дээрх оймсны мангасуудын зураг дээр гараа тавьсан үед тоглоом дуусах болно. Браво! Чи энэ дэлхийн хамгийн хурдан оймсны мангас!
Мангасын нэр хүнд
Зэрлэг оймсны ан үнэхээрийн галзуу байсан ч гэсэн, оймсны мангасууд дандаа үнэнч байдаг. Тийм ч болоод, хүн бүр дүрмээ мөрдөн тоглох нь чухал байдаг. Гэсэн хэдий ч тоглоомын төгсгөлд, тоглоомын ялагчийг дандаа зөв сагсруу гүйхгүйгээр бульхайцсан гэж бодвол, та нар түүнийг маш хурдан шалгаж болно: бүгдээрээ, мангасын хайрцагнаас эхлээд, түүний очсон бүх угаалгын сагсуудыг шалгаж, ялагчийн тавьсан оймс болон дээр нь тавьсан оймснуудаа шалгацгаагаарай. Та нар оймсных нь цоорхойгоор ялагчийн оймсыг таньж болно. Тэгээд бид түүнийг үнэхээр ялж уу? Бульхайтай мангас уу гэдгийг илчлэх болно. Гэхдээ, дээр хэлсэнчлэн, булхайцахгүй байх нь, нэр хүндийн асуудал юм шүү !
Тоглоомын өөр хувилбар
Бүр илүү галзуу тоглоом тоглоцгооё ! Угаалгын хавчаарыг ашиглах нь тоглоомыг улам өрнөлтэй болгоно. Тоглоомын үндсэн дүрмийг баримтлан дараах зааврыг харгалзан тоглоорой:
-
Тоглоомын эхэнд өөрсдийн сонгосон нэг угаалгын сагсанд угаалгын хавчаарыг хавчаарай.
-
Ямар үйл хөдлөл хийхээ товлоорой: 3 удаа алгаа таших, 5 удаа өвдөг дээрээ сууж босох, эсвэл бүр 4 хөллөөд дараагийн угаалгын сагсруу давхих гэх мэт.
-
Тоглоомын явцад, хэрвээ чи хамгийн түрүүн хавчаартай угаалгын сагсанд очсон бол, урьдчилан тохирсон үйлдлийг эхлээд гүйцэтгэнэ.
-
Оймсоо угаалгын сагсанд хийчихээд, угаалгын хавчаарыг аваад, дараагийн очих сагсандаа хавчаарай. Ингээд, чиний дараа угаалгын сагсанд ирэх тоглогч эхлээд үйлдлийг гүйцэтгээд, оймсоо сагсанд хийгээд, хавчаарыг аван дараагийн сагсруу явна гэх мэт.
Өөрийнхөө хамгийн сүүлчийн оймсыг угаалгын сагсанд хийгээд, хайрцаг дээрх оймсны мангасуудын зураг дээр гараа тавьсан тоглогч тоглоомын ялагч болно.
