Бүтээгдэхүүний дэлгэрэнгүй
4 – 99 насны 2-4 сэргэлэн тоглогчид зориулсан ой тогтоолтын тоглоом.
Тоглоомын хэрэглэгдэхүүн
20 ш хавтан (4 өөр өнгө бүхий амбаар)
1ш шоо
1ш наалддаг хуудас
1 Тоглоомын заавар
Тоглоомын санаа
Фермэд шөнө болж, амьтдыг тус тусынх нь амбаарт оруулах цаг боллоо. Гэхдээ, хачин юм даа... бүгдээрээ амбаараасаа зугтаад байх юм ! Бусад тоглогчид энэ бүхний цаана байгаа юм биш байгаа? Хүчирхэг ой тогтоолтынхоо ачаар мөн шооны азаар бүх амьтдыг цуглуулж амбаарт нь хийж чадсан тоглогч ялах болно.
Анх удаа тоглохын өмнө:
Наалддаг хуудаснаас 6 өөр хэсгийг аваад шооны 6 талд наа.
Тоглоомын бэлтгэл
Тоглогч бүр ижил өнгийн амбаар бүхий 5 хавтан авна. 5 амьтдыг харагдахуйцаар хавтанг дээш харуулаад өөрийн хүссэн дарааллаар өмнөө эгнүүлэн тавь. Шоогоо ширээний голд тавиарай.
Яаж тоглох вэ?
Тахианы донгодолтыг хэн сайн дуурайж чадсан тоглогч тоглоомыг эхлүүлж, шоог орхино. Юу буув?
Чиний өмнө дэлгээтэй байгаа амьтдын аль нэг нь шоон дээр буув уу?
Сайн байна: чи одоо энэ амьтныг амбаарт нь хийж чадах нь. Амьтны зурагтай хавтангаа эргүүлж, амбаартай талаар нь тавихад л болно. Ингэхдээ дарааллыг нь өөрчилж болохгүй шүү. Одоо энэ амьтан амбаартаа тухалж, унтах болно.
Эсвэл
Өөр нэгэн тоглогчийн ижил амьтныг амбаараас нь гаргахыг хичээж нэг хавтанг нь эргүүл. Энэ нь бусад тоглогчийн ялах магадлалыг багасгах ухаалаг арга байж болох юм.
Аль хэдийн чиний амбаарт нь оруулсан амьтан буучихав уу?
Одоо л энэ тоглоом бүр солиотой болох нь ! Бусад тоглогчийн амьтдыг хараарай. Энэ амьтан нэг юмуу нэлээн хэдэн тоглогчийн амбаарт байна уу? (Хавтанг эргүүлэх үед, аль амьтан аль амбаарт орсон гэдгийг сайн харж авсан байхаа гэж найдаж байна.)Тэгвэл чи тэднийг амбаараас нь гаргахыг хичээх болно. Нэг хавтан сонгоод ямар амьтан байгааг нь гялс хараарай. Чиний зөв байсан бол, чи амьтныг амжилттай чөлөөллөө, тэгээд амьтныг дээш харуулан тавиарай. Хэрвээ чиний эргүүлсэн амьтан шоон дээрх амьтантай таарахгүй байвал, тэр амьтныг унтаастай чигээр нь үлдээж, хавтанг амбаартай талаар нь буцааж тавь.
Хэрвээ аль хэдийн чиний амбаарт нь оруулсан амьтан (өөрийнхөө өмнөх хавтанг амбаартай талаар нь эргүүлчихсэн) мөн бусад тоглогчийн амьтад бүгд ЧӨЛӨӨТЭЙ буюу хавтангууд нь амьтан талаараа байгаа бол чи юу ч хийж чадахгүй бөгөөд дараачийн тоглогчийн тоглох ээлж.
Чи амбаарын зурагтай хавтан эргүүлсэн үү?
Чи азтай байна! Амбаар бол энэ тоглоомын жокэр учир, чи дуртай амьтнаа сонгож болно!
-
Өөрийнхөө амьтдын аль нэгийг амбаарт нь хий
Эсвэл
-
Өөр нэгэн тоглогчийн дурын нэг амьтныг чөлөөл.
Хэрвээ чи энэ хувилбарыг сонгож байгаа бол эхлээд аль амьтныг чөлөөлөхөө зарлах ёстой. Хэрвээ зарласан амьтнаасаа өөр амьтан эргүүлсэн бол, тухайн амьтныг буцааж хавтанг амбаартай талаар нь тавина.
Тоглоомын төгсгөл
Аль нэг тоглогч өөрийнхөө 5 амьтныг амбаарт нь оруулж, өөрөөр хэлбэл бүх хавтангаа амбаартай талаар нь эргүүлж харуулж чадсан бол тоглоом дуусна. Тухайн тоглогч ялагч болж чадварлаг фермер болно.
Зөвлөгөө:
Тоглоомыг илүү сэтгэл сэргээм болгохын тулд та нэр элсэн цаг ашиглах юмуу 5-10 минут ын сэрүүлэг тавьж тоглоорой. Цаг дуусахад, хэн хамгийн олон амьтан амбаарт нь оруулж чадсан тоглогч ялна. Хэрэв хэд хэдэн тоглогч ижил тооны амьтан оруулсан бол, тэд бүд ялагч болно.
