Бүтээгдэхүүний дэлгэрэнгүй
Галзуу замын түгжрэл ‘’Crazy Traffic Jam’’
5-99 насны 2-3 тоглогч нарт зориулсан аяны зугаа болох сонгодог картан тоглоомын соронзот хувилбар.
Тоглоомын хэрэглэгдэхүүн
1 тоглоомын тавцан, 32 соронзтой машин, 3 соронзтой машины зогсоол, 1 тоглоомын заавар
Тоглоомын бэлтгэл ажил
Тоглоомын тавцанг хайрцагны таган дотор байрлуул. Машинуудыг тоглоомын хайрцагны доод хэсэгт доош харуулан хийж холиорой. Тоглогч бүр 6 соронзтой машин, нэг машины зогсоол авч, машинуудаа дээр нь байрлуулна. Зогсоол дээрх машинууд чинь бусад тоглогчдод харагдахгүй байхаар байрлуулаарай. Хайрцаг дотроос дахин нэг машин авч тоглоомын тавцан дээрх замын хаалтны ард тавиарай. Хэрвээ, тухайн машин ямар нэгэн байдлаар онцгой (ачааны машин эсвэл ачигч машин) бол хайрцагт буцаан хийж, дахин холиод, дахин нэг машин аваарай : энгийн машин олтлоо ингэж хийгээрэй. Бусад машинууд хайрцагт үлдэнэ.
Тоглоомын явц
Тоглоомыг цагийн зүүний эргэлтийн дагуу тоглоорой. Хамгийн чанга сигнал дарсан тоглогч тоглоомыг эхлүүлнэ. Хэрвээ боломжтой бол өөрийнхөө зогсоол дээрээс нэг машин авч, түгжрэлийг уртасгахын тулд зам дээр зогсож байгаа машины ард тавиарай. Анхаар:
-
Чиний тавих машин, түгжрэлийн эгнээний сүүлийн машины хэлбэр юмуу өнгөтэй ижил машин байх ёстой. Солонгон өнгөтэй микро автобусыг ямар ч машины ард тавьж болно (нөлөөг доороос харна уу).
-
Хэрвээ чиний зогсоол дээр тохирох машин байхгүй бол, хайрцагнаас нэг машин сугалж өөрийнхөө зогсоол дээр тавь. Хэрэв тухайн машин тохирч байвал чи түүнийг, шууд түгжрэлд нэмж болно.
Ингээд дараагийн тоглогчийн тоглох ээлж.
Машиныг түгжрэлд нэмж тавингуутаа, зарим машинууд нь ямар нэгэн үйлдэл хийхэд хүргэдэг. Солонгон микро автобус болон чирэгч машинууд нь тэдгээрийг тавьсан тоглогчдод тусалдаг байхад, эвдэрхий машин болон ачааны машинууд нь дараагийн тоглогчдод таагүй мэдээг авчирна. Машины үйлдлүүд:
Хайрцагт нэг ч машин үлдсэнгүй юу?
Тоглоомын тавцангийн түгжрэлийн хамгийн сүүлийн машинаас бусдыг нь авч хайрцагт доош харуулан хийж дахин холиорой. Үлдсэн машиныг хаалтны ард тавиад, тоглоомыг дахин эхлүүлээрэй.
Тоглоомын төгсгөл
Аль нэг тоглогчийн зогсоол дээр ганцхан машин үлдсэн бол, тухайн тоглогч чанга дуугаар « Дүүд Дүүд ! » гэж сигналдаж буй мэт хэлнэ. Тэр сүүлчийнхээ машиныг тавиад « Дүүд Дүүд ! Галзуу замын түгжрэл ! » гэж хэлэх ёстой. Хэрвээ тоглогч, « Дүүд Дүүд ! » юмуу « Дүүд Дүүд ! Галзуу замын түгжрэл ! » гэж хэлэхээ мартсан бол тэр торгуулж, хайрцагнаас нэг машин сугалж, өөрийнхөө зогсоол дээр тавина. Зогсоол дээрээ нэг ч машингүй болсон тоглогч тоглоомын ялагч болно.
