Бүтээгдэхүүний дэлгэрэнгүй
4-99 насны 2-4 баавгай шиг хүчтэй тоглогчдод зориулсан загасчлах тоглоом. 6-с дээш насныханд зориулсан хувилбар бий.
Арктикийн тэсгим хүйтэнд, цагаан баавгайнууд өөрсдийн дуртай ажил болох мөсөн загасчлалд гарав ! Бүгд л дор бүрнээ хамгийн том загасыг барихыг хүснэ, гэхдээ энэ нь тийм ч хялбар ажил биш ээ. Хэн мөсөн дээрх байрлалаа зөв олж, мөсний зөв газар цоолж, мөн хэн загасны уургаа эгцхэн барьж чадсан нь хүссэн загасаа барьж чадна. Хамгийн түрүүн 10 загас барьсан цагаан баавгай тоглоомонд ялна.
Тоглоомыг хайрцагт нь тоглоно. Тоглоомын бүх туслах хэрэглэгдэхүүнийг хайрцагнаас гаргаж, нүхтэй суурь картоныг үлдээгээрэй. Бүх загаснуудыг (= том ба жижиг ган бөмбөлөгүүд) хайрцагт хий. Тоглоомын тавцангийн нүхтэй дотор хэсгийг хайрцагт хийхдээ, талуудыг нь тааруулан хийгээрэй. Нүхтэй хэсэг дээрээ нэг цагаан цаас тавина: энэ нь хожим тоглоомын явцад загас барихын тулд, нүхлэх ёстой мөсөн давхарга юм. Ингээд тоглоомын тавцангийн дээд талын хэсгийг дээр нь тавиарай. Хайрцгийг ийш тийш нь хөдөлгөөрэй: ингэснээр загаснууд нь нүхнүүдэд тарна. Зарим нүх бөмбөлөггүй, харин зарим нүхэнд хэд хэдэн бөмбөлөг байх тохиолдол байна.
Тоглогч бүр нэг нэг цагаан баавгай болон харгалзах өнгийн хувин авч өмнөө тавина. Илүү гарсан баавгай болон хувингууд хэрэггүй. Загасны уурга болон цагаан өнгийн үйлдлийн шоог бэлдээрэй. Номин цэнхэр өнгийн температурын шоо, мөсөн талстууд болон « Орохыг хориглоно !» хавтангууд тоглоомын бусад хувилбарт ашиглагдана.
Зөвлөгөө:
Та нар тоглоомын тавцанг тавихаасаа өмнө, хайрцгийг хөдөлгөж болно. Ингэснээр та нар, загаснууд хаагуур байрлаж байгааг ажиглах бөгөөд хаагуур загасчилвал дээр вэ гэдгийг мэдэх болно!
Тоглоомын явц
Тоглоомыг цагийн зүүний эргэлтийн дагуу ээлжлэн тоглоорой. Хамгийн сүүлд загасанд явсан тоглогч тоглоомыг эхлүүлж, цагаан баавгайгаа мөсний аль нэг нүхэн дээр тавина. Бусад тоглогч нар өөрсдийн цагаан баавгайг ээлж ээлжээр мөсний өөр нэг нүхэн дээр тавина. Эхний тоглогч үйлдлийн шоог авч, орхино.
Шоонд юу буусан бэ?
Баавгайн толгойны хажуудах онооны тоотой ижил тооны нүхээр, өөрийнхөө цагаан баавгайг урагшлуул. Баавгай чинь нээлттэй нүхэнд очиж болно, мөн байршлаа солихдоо хичнээн ч удаа чиглэлээ өөрчилж болно.
Анхаар:
Бид бусдын байрласан нүхэн дээр байрлаж болохгүй, мөн дээгүүр нь харайж болохгүй.
Загасны уурганы үзүүртэй талаар нь, мөсний сүхний хажуудах онооны тоотой ижил тооны нүх ухаарай. Нөгөө гараараа мөсөн хавтанг хөдлөхгүй байхаар бариарай.
Анхаар:
Чи өөрийнхөө баавгайн яг хажуудах нүхийг ухах бөгөөд зөвхөн бусдын байрласнаас бусад нүхийг ухах эрхтэй.
Цагаан баавгай болон хувингуудыг тараагаарай ; загасны уурга болон үйлдлийн шоог бэлдээрэй
Цагаан баавгайнуудаа тоглоомын тавцан дээр тавина
Үйлдлийн шоог орхино
Баавгайн толгой
Урагшил
Мөсний сүх
Нүх ух
Одоо шоонд буусан онооны тоотой ижил тооны нээлттэй нүхээр загасаа бариарай. Эдгээр нүхнүүд нь чиний цагаан баавгайн яг хажууд байрлаж байх ёстой. Хэн нүх гаргасныг мэдэх нь чухал биш. Ийнхүү барьсан загасаа, хувиндаа хийгээрэй.
Анхаар:
Бусдын байрлаж буй нүхнээс загас барьж болохгүй!
Чи цагаан баавгайнхаа хийх ёстой гурван үйлдлийн аль нэгийг сонгох эрхтэй, ингэхдээ шоонд буусан оноог харгалзан үзнэ (урагшлах, ухах эсвэл загас барих). Хэрвээ чи хүсвэл, оноогоо хувааж, гурван үйлдлийг нэгтгэн хийж болно.
Санамж: хэрвээ чи үйлдлээ гүйцэтгэж байхдаа, шоонд буусан бүх оноог ашиглахгүй бол, үлдсэн оноог алдана.
Ингээд, дараагийн тоглогчийн шоог орхих ээлж боллоо.
Тоглоомын төгсгөл
Аль нэг тоглогч хувиндаа 10 загас цуглуулсан бол тоглоом дуусна: тухайн тоглогч бол ялагч. Загасны хэмжээ ялагчийг тодорхойлоход хамаарахгүй. Хэрвээ бүх нүхнүүдийг цоолсон боловч нэг ч тоглогч 10 хүртэлх тооны загас цуглуулж чадаагүй бол хамгийн олон загастай тоглогч ялна. Тэнцсэн тохиолдолд, хэд хэдэн ялагч байна.
