|
Orchard (Жимсний цэцэрлэг)
3-6 насны 1-8 хүүхдэд зориулсан, хамтрах эвсэх чадвар хөгжүүлэх тоглоом. 10-15 минут үргэлжилнэ. Дөрвөн өндөр модонд шүүслэг сайхан алим, лийр, интоор, чавга дүүрэн ургаж, арааны шүлс асгарам алаглан харагдана. Гэтэл хаанаас ч юм хар хэрээ нисээд ирлээ. Болц нь гүйцсэн амтат жимсийг минь ховдоглох нь ээ.
Иж бүрдэл: 10 алим 10 лийр 10 хос интоор 10 чавга 4 ширхэг жимсний сагс 1 ширхэг хэрээний эвлүүлдэг зураг (9 хэсгээс бүрдсэн) 1 ширхэг өнгөт шоо 1 ширхэг тоглоомын хөлөг |
|
Тоглоомын зорилго: Жаалууд аа, бушуулаарай, хэрээнээс урьтаж жимсээ хурааж аваарай. |
|
Тоглоход бэлдэх Хөлөг дээрх мод болгонд өөр өөрийнх нь жимсийг ургуулна. Хүүхэд бүр нэг сагс авна. Хэрэв 4-өөс олон хүүхэд тоглох бол зарим хүүхэд дундаа нэг сагс хэрэглэнэ.
9 хэсэг хэрээний зургаа хүрээнээс нь гаргаад, хөлгийн хажууд давхарлан өрж бэлдэнэ. Шоогоо хөлгийнхөө ойр тавиарай.
|
|
Тоглоом эхэллээ... Насаар хамгийн дүү нь эхлэж, шоог нэг удаа хаяна.
Юу буув? · Улаан, шар, ногоон эсвэл хөх өнгө: Буусан өнгийн жимснээс нэгийг түүж сагсандаа хийгээд, шоог дараагийн хүндээ шилжүүлнэ. Хэрэв шоо буусан өнгийн жимс модонд үлдээгүй бол жимс түүлгүй хоосон өнжинө.
· Сагс буувал: Аль дуртай хоёр жимсээ түүж сагсандаа хийнэ.
· Хэрээ буувал: Хэрээний зурагнаас нэг хэсгийг нь авч хөлгийн голд байрлах зурагтай тааруулан тавина.
|
|
Тоглоом дуусах: Хэрээний зураг бүрэн эвлэхээс өмнө бүх жимсээ түүж амжвал бид ялна – бүгдээрээ хичээсний хүчинд ховдог хэрээнээс ургацаа аварч чадлаа!
Хэрэв жимсээ түүж гүйцэхээс өмнө хэрээний зураг бүрэн эвлэсэн бол хүүхдүүд бүгдээрээ хожигдоно – хэрээ үнэхээр шалмаг юм аа!
|
