Одой морьдын том тэмцээн болох өдөр ашгүй нэг ирлээ ! Өөр өөр төрөлд бүгд шилдэг нь байхын тулд бүгд маш сайн бэлтгэлээ хангасан. Хэн хамгийн олон тэмцээний карт цуглуулж, энэ өдрийн тэмцээний ялагчаар тодрох вэ?
24ш одой морины карт (одой морь болгонд 6 карт), 12ш тэмцээний карт, 4ш лууван, 1 ш тоглоомын дүрэм
Тоглоомын санаа
Тэмцээний карт нь тухайн одой морь ямар төрөлд хүч үзэхийг заана. Тоглогч бүр хамгийн их оноог авна гэж найдан өөрийнхөө одой морины картуудаас нэгийг эргүүлнэ. Тэмцээний картын өнгөтэй тохирох өнгийн хамгийн том морины тахыг эргүүлсэн хүн оноо авна. Гэхдээ, анхаар: одой морины картын дараалал зогсолтгүй өөрчлөгдөх тул маш сайн ой тогтоолттой байх шаардлагатай ба бага зэргийн азтай байхад энэ тэмцээнд ялж чадна.
Бэлтгэл ажил
Энэ тоглоомонд тэмцээний болон одой морины картууд бий. Тэмцээний картны нүүрэн тал нь таны одой морьтойгоо гүйцэтгэх ёстой тэмцээний дөрвөн төрлийн нэгийг заана. Тэмцээний төрөл бүр өөр өөр өнгийн ирмэгтэй.
Одой морины картны нүүрэн тал нь жижгээс томссон морины тахыг дүрсэлсэн. Морины тах хэдий чинээ өндөрт (тах хэдий чинээ том байна) өлгөгдөнө, тэр хэрээр одой морь оролцож буй тэмцээндээ тухайн тахны өнгөний дагуу хурдална.
Тэмцээний картуудыг холиод, нүүрэн талыг нь харагдуулахгүйгээр тойрог зам болгон тарааж тавина.
Та нар нэг нэг одой морь сонгож аваад, мөн холбогдох одой морины 6 картаа ав. Одой мориныхоо картыг холиод тахнуудыг нь харагдуулалгүй доош харуулан нэг эгнээ болгон өмнөө тавь. Тоглогч бүр нэг нэг лууван авна.
Яаж тоглох вэ?
Цагийн зүүний эргэлтийн дагуу ээлж ээлжээрээ тоглоорой. Хамгийн сүүлд морь юмуу одой морь унасан хүн тоглоомыг эхлүүлэх эрхтэй. Тэр тэмцээний картан тойрог замаас эхний картыг авч бүх хүнд харагдахуйцаар эргүүлнэ. Таны одой морь ямар төрөлд хүч үзэхийг харцгаана. Өөрийнхөө одой морины картуудаас тохирох өнгийн хамгийн том морины тахтай картыг эргүүлэхийг хичээгээрэй. Тэгээд, бусад тоглогчид мөн адил, нэг нэгээрээ, өөрсдийн одой морины картнаас нэгийг эргүүлнэ.
Тохирох өнгийн хамгийн том морины тахыг хэн эргүүлсэн бэ?
Браво ! Чиний одой морь тэмцээний энэ төрөлд ялалтыг авлаа. Шагнал болгож тэмцээний картыг чи аваад өөрийнхөө талд тавь. Одоо чиний энэ одой морь амрах эрхтэй. Тухайн картыг эгнээнээс авч доош нь харуулаад хажуу тийш нь бусад картнаас зайтай тавь. Лууванг дээр нь тавьж одой морио хооллоорой. Чамайг дахиад тэмцээний өөр нэг төрөлд шилдэг нь болтол лууван тэр картан дээр байна. Тэр өөр төрөлд чамайг түрүүлүүлэх одой морины карт луувангийн доор гулсаж орох юм. Өмнө нь луувангийн доор байсан картыг, картын эгнээний хоосон зайд доош нь харуулан байрлуулна.
Анхаар:
Хэрвээ хэд хэдэн тоглогч зөв өнгийн ижил хэмжээтэй морины тахтай байх тохиолдолд, зөвхөн тэдгээр тоглогчид, дахин нэг одой морины карт эргүүлж, тахныхаа хэмжээг харьцуулна. Тухайн тэмцээний төрөлд хэн ялагч болох нь тодорхой болтол энэ үйлдлийг давтацгаана.
Ингээд, бүх одой морьдын картыг доош нь харуулан тавина. Тэмцээний картны ялагч, дараагийн тэмцээний картыг эргүүлэх эрхтэй ба үргэлжлүүлээд өөрийнхөө одой морины картуудаас нэгийг эргүүлнэ. Тэмцээн дээр тайлбарласны дагуу үргэлжилнэ.
Тоглоомын төгсгөл
Тэмцээний сүүлчийн картыг авснаар тоглоом дуусгавар болно. Хамгийн олон тэмцээний карт цуглуулсан тоглогч энэ уралдааны жаргалтай ялагч болох юм.
