Бүтээгдэхүүний дэлгэрэнгүй
Өнгө өнгийн галт тэргүүд! “Color Choo Choo“
3 – с дээш насны 2-4 чадварлаг галт тэрэгний жолооч нарт зориулсан, өнгийн галт тэргийн аялал.
Галт тэрэгний дөрвөн тавцан дээр зорчигчид яарцгаана. Тэд өөр өөр өртөөнд хүрэх тасалбартай: амьтны хүрээлэн, усан бассейн, тоглоомын талбай эсвэл цэцэрлэгт хүрээлэн дэх мөсөн гол. Бүгд галт тэргэндээ сууцгаана уу? Та нар өнгийн галт тэрэгний жолооч бөгөөд тавцангаас аль болох олон зорчигч суулгаж, өөрийнхөө өнгийн өртөө хүртэл хүргэж өгөхийг хүсэж байгаа. Гэхдээ галт тэрэгний зам байнга чиглэлээ өөрчилж байдаг. Замын хуудсыг мөрдөхийн тулд та нар бага зэрэг азтай байх хэрэгтэй. Хамгийн олон галт тэрэгний зорчигчийг өртөөндөө хүртэл тээвэрлэсэн жолооч тоглоомонд ялна.
Тоглоомын хэрэглэгдэхүүн
Тоглоомын бэлтгэл ажил:
Тоглоомын тавцанг ширээний голд угсраарай. Тоглоомын тавцангийн гурван нүхэнд шилжүүлгүүдийг шигтгээд шилжүүлэг тус бүр нь нэг зам чөлөөлж байхаар эргүүлэн тохируул. Төмөр зам дээр галт тэрэг цагийн зүүний эргэлтийн дагуу явж болохоор, хамгийн эхний шилжүүлгийн өмнө галт тэргийг байрлуул. Хүүхэд болгон нэг нэг өнгө сонгоод, түүнд харгалзах « өртөө » хавтанцар авна.
Хүүхдүүдийн аль болох олон зорчигч тээвэрлэн хүргэх ёстой өртөөг тухайн хавтанцрууд илэрхийлнэ. Ашиглагдахгүй илүү гарсан « өртөө » хавтанцруудыг хайрцагт буцаан хураагаарай. « Зорчигч » хавтанцруудыг холиод санамсаргүй байдлаар 6, 6 гаар нь давхарлаад дээш харуулан тоглоомын тавцангийн галт тэрэгний тавцан дээр тавиарай. Шилжүүлгийн шоог бэлдээрэй.
Тоглоомын явц
Тоглоомыг цагийн зүүний эргэлтийн дагуу тоглоно. Яг галт тэрэг мэт хамгийн сайн шүгэлдэж чадсан хүүхэд галт тэрэгний жолооч болж, тоглоомыг эхлүүлнэ.
-
Шилжүүлгийн шоог орхи.
-
Шоонд буусан өнгийн шилжүүлгийг хаалттай байсан төмөр зам дээгүүр зам гарахаар эргүүл. « Дүүд дүүд » гэж галт тэрэг баясалтайгаар зарлаад, шилжүүлгийн өөрчлөлтийн дагуу хүрч болох тавцанруу очно.
-
Давхарлаатай байгаа « зорчигч » хавтанцрын дээрхийг ажигла. Дээр нь дүрслэгдсэн хүүхдүүд галт тэргэнд суугаад аль өртөөнд буухыг заасан тасалбартай байгаа. Нэг хавтанцар дээр дүрслэгдсэн хүүхдүүд, хүрэхийг хүссэн өртөөнүүдийнхээ аль нэгт хүртэл хамтдаа аялна.
-
Тоглоомын явцад, галт тэрэг ямар ч зорчигчгүй болсон галт тэрэгний өртөө юмуу тавцанд очиж болно. Ийм тохиолдол болвол, азгүй байна: дараагийн тоглогчийн тоглох ээлж.
« Зорчигч » хавтанцарт чиний өртөөний өнгөтэй ижил өнгийн тасалбар байна уу?
-
Тийм ээ! Янзтай ! Бүгдээрээ галт тэргэндээ сууцгаана уу! « Зорчигч » хавтанцрыг галт тэргэн дээрх завсарт шургуулаад өөрийн өнгийн өртөө хүртэл яваарай. Тоглоомын тавцангийн харгалзах хэсэгт хавтанцрыг тавин, зорчигчдоо буулгаарай.
-
Үгүй ээ ! Харамсалтай юм, өөрийнхөө өртөө хүртэл чи нэг ч зорчигч тээвэрлэж чадахгүй. Тэд өөр өртөөнд хүрэх тасалбартай юм байна. Мэдээж хэрэг, зорчигчид өнгийн галт тэргэнд сууцгаана. Чи тэднийг аль өртөөнд буулгахаа сонго. Сонгосон хэсэгтээ, хавтанцрыг тавин, зорчигчдоо буулгаарай.
Жишээ нь :
Фредерикийн өртөө нь цэнхэр усан бассейн. Тэр шилжүүлгийн шоог орхитол, улбар шар талаар буув. Фредерик улбар шар өнгийн шилжүүлгийг эргүүллээ.
Тэгээд, тэр галт тэргийг тухайн тавцан хүртэл урагшлуулна. Давхарлаатай « Зорчигч » хавтанцруудын дээд талынх дээр цэнхэр тасалбар байна. Тэр зорчигчдыг суулгана.
Тэр, галт тэргийг цэнхэр усан бассейн өртөө хүртэл урагшлуулна. Ингээд тэр, тавцангийн цэнхэр хэсэгт хавтанцрыг тавин зорчигчдыг буулгана.
Чи зорчигчдоо буулгачихсан уу? Чиний тоглох ээлж дууслаа. Галт тэрэгний дараачийн жолооч шилжүүлгийн шоог авна.
Тоглоомын төгсгөл
Тавцан дээрх « Зорчигч » хавтанцрууд дуусаж, бүх зорчигчид өнгө өнгийн өртөөнд буусан бол тоглоом дуусна.
Өөрийнхөө өртөөний « Зорчигч » хавтанцруудаар нэг эгнээ үүсгээрэй. Хавтанцаруудынхаа чигийг анхаараарай. Хэн хамгийн урт зорчигчийн эгнээ үүсгэсэн нь тоглоомонд ялна.
Шар өнгийн тоглогч хамгийн урт эгнээтэй байна. Тэгэхээр тэр хамгийн олон зорчигч тээвэрлэсэн байна. Энэ тоглоомонд тэр яллаа.
Зөвлөгөө: Та нар аль хэдийн тоолоод сурчихсан бол, хавтанцар дээрх зорчигчдыг тоолж болно. Өөрийнхөө өртөө хүртэл хамгийн олон зорчигч тээвэрлэсэн тоглогч ялна.
Алсын хараатай инженерүүдэд зориулсан хувилбар
Үндсэн тоглоомын дүрмийг мөрдөн доорх өөрчлөлтийг тусган тоглоорой:
Шилжүүлгийн сонголт: Шоог хэрэглэхгүй. Галт тэрэгний жолооч сонгосон өртөөндөө хүрэхийн тулд хэчнээн ч шилжүүлгийг эргүүлж болно. Хэн шилжүүлгийн тохируулгыг ерөнхийд нь сайн харж чадсан нь өөрийнхөө өртөө хүртэл илүү олон зорчигч тээвэрлэж чадна.
Шилжүүлэгч: Шоог ашиглахгүй. 3 шилжүүлгийн алийг эргүүлэхээ, галт тэрэгний жолооч сонгоно. Гэхдээ тэр нэг удаадаа нэг л шилжүүлэг эргүүлнэ. Хэн хамгийн оновчтой шилжүүлгийг сольж, өөрийнхөө өртөө хүртэл илүү олон зорчигч тээвэрлэж чадах бол?
Галт тэрэгний гайхамшигт аяллын зөвлөгөө (үндсэн тоглоомыг, тоглоомын ялгаатай хувилбаруудтай нэгтгэх)
« Зорчигч » хавтанцруудыг доош харуулан давхарлан тавцан дээр тавьж болно. Галт тэрэгний жолооч үндсэн тоглоом дээрхтэй адилаар 4 тавцангийн аль нэгрүү явна.Тэр « Зорчигч » хавтанцрыг эргүүлэх үедээ, зорчигчдыг аль өртөөрүү тээвэрлэхээ сонгоно. Аль хавцантарт хамгийн олон зорчигч байх бол?
