Бүтээгдэхүүний дэлгэрэнгүй
Хүрлээ, оллоо ! ’’ Fiddle Faddle ’’
Хүрэх, таних мөн нэрлэх
3-6 насны 2-4 бяцхан чөтгөрүүдэд зориулсан өрсөлдөөнт мэдрэхүйн тоглоом.
Зохиогч: Хэйнз Мэистэр
Зураач: Кристин Фауст
Хянасан: Сина-Марие Страуб
Үргэлжлэх хугацаа: 5-10 минут.
Тоглоомын гол санаа
Хүрлээ, оллоо! Миний жижигхэн машин хоёрхон хормын өмнө энд байсан ч алга болчихлоо! Энэ нь өрөө тун замбараагүй байгаан дохио бөгөөд өрөөгөө цэгцлэх цаг нь болжээ. Гэхдээ, энэ нь та нарын буруу биш ч байж болох юм... харин зальт бяцхан чөтгөрүүдийн буруу юу? Тэд заримдаа өрөөнд нууцаар орж ирээд, та нарын тоглоомыг шидэт уутандаа нуучихдаг юм байна. Гэхдээ та нар уутыг олоод, гадна талаас нь тэмтрээд дотор нь юу байгааг тааж чадвал тэд авсан эд зүйлсээ буцаагаад өгчихдөг. Тоглоомын зорилго нь аль болох олон тоглоом ялгаж танихад оршино.
Анх удаа тоглохын өмнө хүүхдүүд тус тоглоомтой танилцахын тулд модон зүйлс болон тохирох картуудыг ажиглаж болно.
-
Модон зүйлүүдийг картан дээр тавьж болно. Хүрээ нь ижил учир, тэднийг харьцуулахад хялбар байх болно.
-
Эд зүйлсийг тэмтрээд танина гэдэг тийм ч амар биш, гэхдээ хүүхдүүд нүдээ анин модон зүйлүүдийг тэмтэрч сургуулилт хийж болно.
-
Дасахын тулд, илүү тайван хувилбараар эхлэн тоглож болно (тус зааврын сүүл хэсгээс харна уу).
Тоглоомын хэрэглэгдэхүүн
8ш шидэт уут, 10ш модон эд зүйл, 10ш карт, 10ш өөрсдөө зурах хоосон карт,
1ш тоглоомын заавар
Тоглоомын бэлтгэл ажил
8ш модон эд зүйлс болон харгалзах картыг аваарай. Илүү гарсан модон зүйлс болон картуудыг хайрцагт хураагаарай. 8 шидэт уут тус бүрт нэг нэг зүйл нуугаад амыг нь сайтар хаагаарай. Уутнуудыг сайн холиод ширээн дээр тавиарай. Уутнуудыг дээр дээр нь давхарлаж тавихгүй байхад анхаараарай. Картуудыг сайн холиод доош харуулан давхарлаж тавина.
Тоглоомын явц:
Хамгийн бяцхан тоглогч тоглоомыг эхлүүлнэ. Давхарлаатай картны дээд талынхыг эргүүлээд бусад бүх тоглогчдод харагдахаар тавь. Дээр нь дүрсэгдсэн зүйлийг бүгдээрээ сайн ажиглаарай. Уутнуудыг тэмтэрч тэр зүйлийг олох хэрэгтэй боллоо ! Бүгдээрээ гар гараасаа барьж, гараа өргөцгөөгөөд « Хүрлээ, Оллоо! » гэж хамтдаа хэлж, эхлэх дохио өгөөрэй. Гараа тавьцгааж, уутнуудыг нэг нэгээр нь тэмтэрч хайж байгаа зүйлээ олцгоогоорой !
Анхаар: бүгд нэгэн зэрэг хайцгаах тул, шахцалдаан болох нь тодорхой !
Хайх явцдаа, чөтгөрүүдийн дүрмийг заавал мөрдөх хэрэгтэй:
-
Та нарт уутыг нээх болон дотор нь юу байгааг харах эрх байхгүй.
-
Нэг тоглогч нэг уут авсан бол, өөр тоглогч тэр уутыг булааж авч болохгүй. Уутыг ширээн дээр буцааж тавьсан тохиолдолд, өөр нэг тоглогч тухайн уутыг авч болно.
Чи хайсан зүйлээ тэмтрээд оллоо гэж бодвол, « Хүрлээ, Оллоо! » гэж хэлээд уутаа дээш нь өргөөрэй. Бусад бүх тоглогч нар уут тэмтрэхээ болино.
Шидэт уутыг нээгээд, дотор нь байгаа зүйлийг гаргаад картан дээр тавьж мөн эсэхийг шалгаарай.
Энэ хайж байсан зүйл чинь мөн үү?
Янзтай! Урамшуулал болгож картыг чи авна. Тухайн зүйлийг уутанд буцааж хийгээд ширээний голд тавиад, уутнуудыг сайн холиорой. Ингээд дараагийн картыг эргүүл.
Бүгдээрээ гар гараасаа барьж, гараа өргөцгөөгөөд дараагийн тойргийг эхлүүлэх дохио өгөөрэй.
Энэ хайж байсан зүйлээс чинь өөр зүйл байна уу?
Хөөрхий, чи картыг авах эрхгүй бөгөөд энэ тойрогт тоглох эрхгүй болно. Тухайн зүйлийг уутанд буцааж хийгээд ширээний голд тавиад, бусад тоглогч нар аль уутыг нээсэнг мэдэхгүй болтол уутнуудыг сайн холиорой. Тэгээд, дараагийн тойргийг эхлүүлэх дохио өгч, бусад тоглогч хайж буй зүйлээ олохын тулд уутнуудыг тэмтэрнэ.
Нэг тоглогчоос бусад бүх тоглогч хайсан зүйлээ олчихов уу?
Тэр тоглогч эрлээ зогсооно: тэр тоглогч картаа авч болно. Тэгээд, тэр тоглогч давхарлаатай картаас дахин нэг карт эргүүлнэ, ингээд бүх тоглогч нар гар гараасаа барьж, гараа өргөцгөөгөөд дараагийн тойргийг эхлүүлэх дохио өгцгөөнө.
Тоглоомын төгсгөл
Бүх карт тараагдсан бол тоглоом дуусна. Хамгийн олон карттай хүүхэд тоглоомонд ялна. Хэрвээ та нар хараахан сайн тоолж чадахгүй бол картуудаа нэг эгнээ болгон тавиарай. Хамгийн урт эгнээтэй хүүхэд ялах болно. Тэнцсэн бол, тэдгээр хүүхдүүд бүгд ялна.
Тоглоомыг хялбарчлахын тулд:
-
Эхний тойрогт, зөвхөн таваас зургаан зүйлсийг харгалзах картын хамт аваарай.
-
Эхний тойрогт, дүрс нь хоорондоо ялгаатай зүйлсийг сонгоорой.
Тоглоомыг хүндрүүлэхийн тулд:
-
Уутан доторх зүйлийг нэг гараараа тэмтрээрэй. Насны зөрүү ихтэй тоглогчид тоглож байгаа тохиолдолд хамгийн балчир тоглогч хоёр гараараа, арай том тоглогчид нэг гараараа ууттай зүйлийг тэмтрэх эрхтэй гэж шийдэж болно.
-
Таасан зүйлээ, хайрцагт байгаа таагаагүй шинэ зүйлээр сольж, дуустал нь тоглоорой. Харгалзах картыг давхарлаатай картны аль ч хэсэгт хамаагүй шургуулаарай.
« Ердийн эд зүйл » хувилбар
Та нар өдөр тутамдаа хэрэглэдэг 10 хүртэлх эд зүйлсийг нэмж тоглож болно, жишээ нь шилний таг, зоосон мөнгө эсвэл нэг боргоцой гэх мэт. Хоосон картан дээр тухайн эд зүйлсийнхээ хүрээг зураад, нэгэн шинэ тоглоом эхлүүлээрэй.
« Арай тайван » хувилбар
Энэ хувилбарт, хүүхдүүд хамтдаа биш, нэг нэгээрээ тоглоно. Бэлтгэл ажил өмнөх тоглоомуудтай ижил байна.
Тоглоомын явц
Хамгийн балчир тоглогч тоглоомыг эхлүүлнэ. Давхарласан картны дээд талын картыг эргүүл. Харгалзах зүйлийг тэмтэрч олохыг хичээ. Чи зөв шидэт уутыг оллоо гэж бодтолоо тэмтрэх эрхтэй. Шидэт уутыг нээгээд, чиний хайсан зүйл дотор нь байгаа эсэхийг шалгаарай.
-
Чи хайж байсан зүйл ээ олсон уу? Чи картыг авна, тэгээд дараагийн тоглогчийн тоглох ээлж.
-
Өөр зүйл байж уу? Картаа давхарласан картанд буцааж хийгээд картуудыг холино. Ингээд, дараагийн тоглогчийн тоглох ээлж.
Тоглоомын төгсгөл
Тоглогч бүр нэг уутыг адилхан удаа тэмтрэх боломжийг олгож хэдэн ч тойрог тоглож болно. Хэн олон карт цуглуулсан нь тоглоомонд хожно. Тэнцсэн тохиолдолд, тоглогч нар хамтдаа ялна.
